07/06/2019
ՀՀ ՇՄՆ «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ը և ոլորտի շահագրգիռ գերատեսչությունները 2019 թվականի հունիս 4-ից 6-ը Անի Պլազա հյուրանոցում մասնակցել են «Եվրոպական հարևանության գործիք–Շրջակա միջավայրի տեղեկատվական միասնական համակարգ Արևելք II ծրագրի շրջանակներում Շրջակա միջավայրի եվրոպական գործակալության կողմից կազմակերպված դասընթացին: Դասընթացի նպատակն էր հզորացնել ազգային փորձագետների գիտելիքներն ու կարողությունները՝ շրջակա միջավայրի, մասնավորապես, կենսաբազմազանության, ջրի, հողի, թափոնների, օդի ցուցանիշների միջոցով ազգային գնահատման, ինչպես նաև ինքնագնահատման զեկույցների պատրաստման համար: Դասընթացի օրակարգը բավականին հագեցած էր, ինչպես հետաքրքիր զեկույցներով, այնպես էլ գործնական աշխատանքներով: Գործնական աշխատանքների ընթացքում, ինչպես ՊՈԱԿ-ի, այնպես էլ շահագրգիռ գերատեսչությունների մասնակիցները հնարավորություն ունեցան ներկայացնել իրենց տեսակետերը և առաջարկությունները շրջակա միջավայրի գնահատման զեկույցների բովանդակության վերաբերյալ:
