«Անտառի և լանդշաֆտների վերականգնում, Ատլաս առցանց հարթակի ներկայացում» մասնագիտական դասընթաց
19/08/2021
Օգոստոսի 18-ին տեղի ունեցավ Գլոբալ էկոլոգիական հիմնադրամի կողմից ֆինանսավորվող «Կովկասի տարածաշրջանում անտառի գլոբալ մոնիթորինգի արդիականացում» ծրագրի շրջանակում «Անտառի և լանդշաֆտների վերականգնում, Ատլաս առցանց հարթակի ներկայացում» մասնագիտական դասընթացը։
Դասընթացը կազմակերպվել էր Կովկասի տարածաշրջանային բնապահպանական կենտրոնի կողմից։
Դասընթացին մասնակցել են «ՀՄԿ» ՊՈԱԿ-ի 17 աշխատակից։ ՊՈԱԿ-ի տնօրենի տեղակալ Արման Ավագյանը հանդես է եկել որպես բանախոս։
Դասընթացի ընթացքում ներկայացվեցին մի շարք թեմաներ՝
- անտառի մոնիթորինգի համակարգը, անտառի և լանդշաֆտի վերականգնման կիրառվող մեթոդները և մարտահրավերները,
- ատլաս առցանց հարթակը, որտեղ ներառվելու են անտառին վերաբերող բոլոր տվյալները՝ ներառյալ կլիմայական, որը ծառայելու է որոշում կայացնողների և շահառուների համար, ինչպես նաև կայքում Ատլասի օգտագործման գործիքները,
- թիմային աշխատանքների և քննարկումների արդյունքում վեր հանվեցին անտառի և լանդշաֆտների վերականգնման, հողօգտագործման, կենսաբազմազանության պահպանմանը վերաբերող առաջնահերթությունները։
