20/03/2025
ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի կենտրոնական լաբորատորիան մարտի 13-ին, ճանաչողական այցի շրջանականերում հյուրընկալել էր Մարտիրոս Սարյանի անվան № 86 հիմնական դպրոցի աշակերտներին։
Այցի ժամանակ աշակերտներին ներկայացվել են ջրային ռեսուրսների, մթնոլորտային օդի, հողերի մոնիթորինգի ընթացակարգերը: Նրանք ականատես են եղել նմուշների նախապատրաստմանը, լաբորատոր փորձարկումներին, ստացել ընդհանուր տեղեկություններ սարքավորումների աշխատանքի սկզբունքների մասին:
Քննարկումների միջոցով աշակերտները ստացել են իրենց հուզող հարցերի պատասխանները:
