04/10/2024
Հոկտեմբերի 4-ը որպես Կենդանիների պաշտպանության համաշխարհային օր նշելու որոշումը ընդունվել է 1931թ. Ֆլորենցիայում բնության պահպանության կողմնակիցների Միջազգային կոնգրեսի ժամանակ: Տվյալ օրը շատ երկրների կենդանիների պաշտպանության կազմակերպություններ իրենց պատրաստակամությունը հայտնեցին ամեն տարի նշելու այդ օրը և կազմակերպելու բազմազան զանգվածային միջոցառումներ` ուղղված կենդանի արարածի նկատմամբ պատասխանատվության և հոգատարության զգացողության բարձրացմանը:
Կենդանիների համաշխարհային օրը հնարավորություն է տալիս մտածելու աշխարհն ավելի լավը դարձնելու մասին: Ընդունելով այն գաղափարը, որ «աշխարհը նաև նրանց տունն է», մենք պարտավորվում ենք կենդանիներին վերաբերվել հարգանքով և հոգատարությամբ, որին նրանք արժանի են:
Բնության համաշխարհային հիմնադրամի (WWF) տվյալների ՝ ամեն ժամ Երկիր մոլորակի վրա անհետանում է երեք կենդանատեսակ, իսկ օրական կտրվածքով՝ բուսական և կենդանական աշխարհի 70 տեսակ: Ըստ այդ տվյալների, մոտ ապագայում առհասարակ կդադարի գոյություն ունենալ բուսական և կենդանական աշխարհի բոլոր տեսակների մեկ քառորդը:
