06/08/2024
Տասնամյակներ շարունակ գիտնականներն ահազանգում են համաշխարհային օվկիանոսի պլաստիկ թափոններով աղտոտվածության մասին։ Եթե Համաշխարհային օվկիանոսի աղտոտման միտումը չփոխվի, ապա, ըստ եվրոպացի բնապահպանների, այս տասնամյակի վերջում Համաշխարհային օվկիանոսում յուրաքանչյուր 3 կգ ձկանը բաժին կընկնի 1 կգ աղբ։
Մինչ եվրոպացիներն ամբողջ ուժով փորձում են բարելավել իրենց երկրներում բնապահպանական իրավիճակը, Համաշխարհային օվկիանոսի աղտոտվածության հիմնական մակարդակը բոլորովին այլ երկրների է բաժին ընկնում։
2010 թվականին Science-ը հայտնել է, որ օվկիանոսներում առկա պլաստիկ թափոնների 90%-ը գալիս է ասիական երկրներից: Սա զարմանալի չէ, քանի որ արդյունաբերության արագ աճը և առաջընթացը, որ ապրում են ասիական տարածաշրջանի երկրները, միշտ ուղեկցվում է աղտոտվածության մակարդակի աճով: Աասիական տարածաշրջանում ապրող մարդկանց թիվը ևսս նպաստում է աղտոտվածությանը:
Աղտոտվածության ամենամեծ մակարդակը բաժին է ընկնում Յանցզի գետին՝ տարեկան 1.5 միլիոն տոննա պլաստիկ թափոններ։ Այն Չինաստանի և Եվրասիայի ամենաերկար գետն է։ Յանցզի գետի ավազանում բնակվում է Չինաստանի ընդհանուր բնակչության մոտ մեկ երրորդը՝ 500 միլիոն մարդ: Սա ավելին է, քան Եվրոմիության ողջ բնակչությունը:
Յանցզիի մատակարարած թափոնների քանակը գրեթե 10 անգամ գերազանցում է ցուցակի երկրորդ գետի պլաստիկով աղտոտվածության մակարդակը:
Ահա այն 10 գետերի ցանկը, որոնք մատակարարում են ջրի մեջ թափվող պլաստիկ թափոնների ավելի քան 90%-ը։
Յանցզի 1 469 481 տոննա տարեկան
Ինդոս 164 332 տոննա
Հուանհե 124 249 տ
Հայ Հե 91 858 տոննա
Նեղոս 84 792 տ
Մեգհնա, Բրահմապուտրա, Գանգես 72 845 տոննա
Չժուցզյան (Մարգարտյա գետ) 52 958 տոննա
Ամուր 38 267 տոննա
Նիգեր 35 196 տոննա
Մեկոնգ 33 431 տոննա
