24/05/2024
Մայիսի 14-ից 16-ը ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի լաբորատորիայի մասնագետները մասնակցել են «Հավատարմագրման ազգային մարմին» ՊՈԱԿ-ի կողմից կազմակերպված «ԳՕՍՏ ԻՍՕ/ԻԷԿ 17025-2019 ստանդարտի և EA, ILAC փաստաթղթերի պահանջները» թեմայով վերապատրաստման դասընթացին:
Դասընթացի նպատակն էր մասնակիցներին ուսուցանել «ԳՕՍՏ ԻՍՕ/ԻԷԿ 17025-2019 ստանդարտի և EA, ILAC պահանջները» ստանդարտը, լաբորատորիայում ստանդարտի համապատասխան կառավարման համակարգի ներդրման համար։
Դասընթացի շրջանակներում ներկայացվել են ԳՕՍՏ ԻՍՕ/ԻԷԿ 17025 ստանդարտի ընդհանուր պահանջները, լաբորատորիաներին, անձնակազմին և կառավարման համակարգին ներկայացվող պահանջները, չափագիտական հետագծելիության, ստուգաչափման, մեթոդների վալիդացիայի, չափման անորոշության հաշվարկման մեթոդների, սխալանքի հաշվարկման, արդյունքների հուսալիության ապահովման, անհետևողական աշխատանքի կառավարման վերաբերյալ և մի շարք այլ հարցեր։
Դասընթացին մասնակցությունն ապահովվել է «ԵՄ -ն շրջակա միջավայրի համար․ Ջրային ռեսուրներ և շրջակա միջավայրի տվյալներ» ծրագրի ֆինանսական աջակցությամբ։
Դասընթացի ընթացքում դասընթացավարները մասնակիցներին տվել են առաջադրանքներ, իսկ ավարտին՝ կատարելով գիտելիքների ստուգում, հանձնել «ԳՕՍՏ ԻՍՕ/ԻԷԿ 17025-2019 ստանդարտի և EA, ILAC պահանջները» ստանդարտի համապատասխան վկայականները:
Դասընթացից ստացված գիտելիքները կնպաստեն լաբորատորիայում «ԳՕՍՏ ԻՍՕ/ԻԷԿ 17025-2019 ստանդարտի և EA, ILAC պահանջները» ստանդարտի համապատասխան ճիշտ կառավարման համակարգի ներդրմանը։
