17/05/2023
Մայիսի 16-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի կենտրոնական լաբորատորիա էին այցելել Արարատի մարզի Սայաթ-Նովա համայնքի միջնակարգ դպրոցի 7-8-րդ դասարանի աշակերտները:
Նրանք ծանոթացել են մակերևութային ջրերի, մթնոլորտային օդի, հողերի, հատակային նստվածքների և հիդրոկենսաբանական մոնիթորինգի, ինչպես նաև լաբորատոր և դաշտային հետազոտական սարքերի աշխատանքի սկզբունքներին:Հարց ու պատասխանների միջոցով աշակերտները տեղեկացել են մթնոլորտային օդի, ջրերի աղտոտիչների, աղտոտման աղբյուրների մասին:
ՇՄՆ «ՀՄԿ » ՊՈԱԿ-ը միշտ պատրաստակամ է համագործակցել և ընդունել տարբեր դպրոցների աշակերտներին, ԲՈՒՀ-երի ուսանողներին, մագիստրոսներին և ասպիրանտներին՝ իր նպաստը բերելով աշակերտների և ուսանողների մասնագիտական կարողությունների աճմանը:
 |
 |
 |
 |
